142             ARTISTES PARISIENS DU XVIe ET DU XVIIe SIÈCLE.
frère, recogneurent et confessèrent • avoir faict, feirent et font entre elles, et l'une d'elles avec l'aultre de bonne foy, les traictez, accordz, dons, douaires, promesses et con­venances de mariage qui ensuivent, c'est asscavoir : lesd. Pierre Sevestre et Catherine Gaullier avoir promis et promettent prendre l'ung d'eulx l'autre par nom et loy de ma­riage et icelluy faire solemniser d'eulx deux en face de nostre mère Saincte Eglise de­dans le plus brief temps que bonnement et commodement faire se pourra et qu'il sera advisé et delliberé entre eulx, leurs parens et amys, sy Dieu et nostredicte mère Saincte Eglize s'y accordent, aux biens, droictz, noms, raisons et actions qui ausd, futurs espoux peuvent et pourront cy après com­pecter et appartenir et qu'ilz promectent apporter et mectre en leur communaulté, pour estre et demeurer ungs et commungs entre eulx selon la coustume de la ville,
prevosté et vicomté de Paris...........
Et au cas que lad. future espouze prede­cedde led., futur espoux et que lors de son decedz il n'y ayt aulcun enflent ou enffens, naiz ou à naistre, procréez de leurs corps, vivans ou vivans lors, en ce cas led. Sevestre a donné et donne en pur et vray don irrévo­cable faict entre vifz à lad. Gaultier, sa fu­ture espouze, ce acceptant pour elle, ses hoirs, tous et chacuns les biens tant meubles que immeubles, debtes et créances qui se trouveront lors appartenir aud. Pierre Se­vestre, à la charge qu'elle sera tenue de payer ses debtes, qu'elle debvra lors accom­plir son testament jusques à la somme de dix escuz sol pour une fois payer, sy tant se monte led. testament, payer ses obsecques et funerailles et le faire inhumer et enterrer honnestement selon son estat. Et ou cas qu'il y eust enffent ou enffens dud. mariage, naiz ou à naistre, vivant ou vivans lors, led. Pierre Sevestre a doué et doue lad. Cathe-
rine Gaultier, sa future espouze, de la somme de cinquante escuz d'or sol de.douaire prefix et pour une fois payer, sans qu'il soit subject à retour, sur tous et chacuns ses biens gene­rallement, meubles et immeubles, presens et advenir, qu'il en a dès à present chargez, obligez et ypotecquez à fournir et faire valloir led. douaire, Et est accordé que le survivant desd, futurs espoux aura et prendra par pre­ciput, asscavoir: lad. future espouze de ses habitz, bagues et joyaulx et autres meubles jusques à la somme de trente escuz d'or sol pour une fois payer, et led. futur espoux de ses habitz, armes et autres meubles jusques à pareille somme de trente escuz d'or sol, aussy pour une fois payer; et ou cas que lad. Catherine Gaultier predecedde led. Pierre Sevestre, futur espoux, et que, lors de son decedz, il n'y ayt aulcun enffent ou enffens naiz ou à naistre, procréez de leurs corps, vivant ou vivans lors, en icelluy cas, lad. Catherine Gaultier a donné et donne en pur et vray don, irrévocable, faict entre vifz, aud. Sevestre ce acceptant, la somme de quarente escuz sol, pour une fois payer, à prendre sur tous et chacuns les biens de lad. Cathe­rine Gaultier, qu'elle en a pour cest effect chargez. Et sy est accordé que led. Sevestre survivant sad. future espouze sans'enffens, comme dict est, prendra par preciput son imprimerie de deux presses, six fontes avec les ustancilles servant aud. art d'impri­merie, sans qu'ilz soient mis par inventaire, sy bon ne luy semble, et dont elle faict don aud. Sevestre pour le droict qu'elle y pourroit
avoir et pretendre lors...............
Faict et passé double, après midy, es estudes desd, notaires, l'an 1592, le jeudy, 5e jour de mars. Et a led. Pierre Sevestre signé la presente, et lad. Catherine Gaultier a declaré ne scavoir escrire ne signer. Ainsy signé: Sevestre, Le Blanc, Gaultier, De la Fons et le Normant.